A calzada romana Vía XIV cruza o Val do Támega desde hai máis de 2000 anos. Case difuminada hoxe, foi substituída polas actuais vías de comunicación que atravesan o noso val…
O Festival Internacional de Curtos Vía XIV quere continuar con ese camiño de cultura, atraendo a mirada de creadores de todo o mundo ata a vila de Verín para mostrar como a creatividade audiovisual é quen de transmitir a esencia dos milleiros de significados que poden ter os elementos que definen a idiosincrasia da nosa comarca: o Entroido e a “Raia” (Fronteira – Emigración).